5-р сарын 27-нд ГХЯ-ны хэвлэлийн төлөөлөгч Мао Нин ээлжит хэвлэлийн бага хурал хийлээ. Нэгэн сурвалжлагч АНУ, Япон, Энэтхэг, Австралийн "дөрвөлсөн механизм"-ын талаар асуулт тавьж, Зүүн Хятадын тэнгис болон Өмнөд Хятадын тэнгисийн өнөөгийн байдалд санаа зовниж буйгаа илэрхийлжээ.
Үүнтэй холбогдуулан Мао Нин хэлэхдээ, Зүүн Хятадын тэнгис болон Өмнөд Хятадын тэнгисийн өнөөгийн байдал ерөнхийдөө тогтвортой хэвээр байгаа бөгөөд хууль тогтоомжийн дагуу бүх улс орны усан онгоцоор зорчих, дээгүүр нисэх эрх чөлөөг хангахад асуудал байхгүй. Холбогдох улс орнууд Хятадыг тойрсон тэнгистэй холбоотой асуудалд хөндлөнгөөс оролцохоо зогсоож, бүс нутгийн орнуудын энх тайван, тогтвортой байдлыг сахин хамгаалах хүчин чармайлтыг чин сэтгэлээсээ хүндэтгэх хэрэгтэй. "Бяцхан тойрог" байгуулж, хурцадмал байдлыг хэтрүүлж, сөргөлдөөнийг өдөөх нь олон нийтэд таалагддаггүй.
(CCTV-ийн сурвалжлагч Хуан Хуйшин, Жао Жин)
